Kryetari i Prishtinës, Përparim Rama ka njoftuar se në Google Maps tashmë janë të përfshirë edhe linjat e autobusëve të “Trafikut Urban”.
Sipas tij, kjo do t’i ndihmojë qytetarët të gjejnë oraret dhe ndalesat e fundit të trasportit publik në kryeqytet, t’i planifikojnë udhëtimet duke përdorur transportin publik, të mësojnë se sa minuta bëjnë për të shkuar në këmbë, sa minuta bëjnë me transport publik deri në destinacionin tuaj, shkruan Arbresh.info.
“Kemi inkuadruar në Google Maps, mundësinë që si mjet udhëtimi të përdorni transportin publik për të shkuar në destinacionin e kërkuar. Pra, në Google Maps janë përfshirë linjat e autobusëve të Trafiku Urban Prishtinë. Kjo do t’ju ndihmojë të: Gjeni oraret dhe ndalesat e fundit të transportit publik në Kryeqytet. Planifikoni udhëtimet tuaja duke përdorur transportin publik. Mësoni se cila linjë e autobusit është më afër ardhjes dhe më e shpejtë për destinacionin që do të shkoni. Kuptoni se sa minuta bëni për të shkuar në këmbë, sa me transport publik deri në destinacionin tuaj.”, ka shkruar Rama në Facebook.
I pari i kryeqytetit e ka vlerësuar këtë si ndryshim pozitiv në transportin publik./Arbresh.info
Rama nesër në New York për takimin me shqiptarët e Amerikës
Bayerni raporton Barcelonën në UEFA pas sulmit që iu bë para...
Kurti uron Ditën Kombëtare të Çekisë: Një nga partnerët tanë...
Blinken, thirrje urgjente për zgjidhje të konfliktit në Liba...
Vuçiqi me Von der Leyen folën edhe për Kosovën: Ia shpjegova...
Aliu viziton fillimin e punimeve në rrugën rajonale Nadakovc...